សារលិខិតថ្វាយព្រះពររបស់សមាគមសហព័ន្ធវិនិយោគិនកម្ពុជា គោរពក្រាបបង្គំទូលថ្វាយ ព្រះករុណាព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា នៅក្នុងព្រះរាជឱកាសពិធីខួបលើកទី២០ នៃការយាងគ្រងព្រះបរមសិរីរាជសម្បត្តិ

ថ្នាក់ដឹកនាំក្រុមប្រឹក្សាភិបាល គណៈកម្មការប្រតិបត្តិ សមាជិក សមាជិកា សមាគមសហព័ន្ធវិនិយោគិនកម្ពុជាសមាគមសហព័ន្ធយុវជនសេដ្ឋកិច្ចកម្ពុជា និងសមាគមសម្ពន្ធភាពអង្គការ-សមាគម និងវិស័យឯកជននៅកម្ពុជា សូមព្រះបរមរាជា នុញ្ញាតដ៏ខ្ពង់ខ្ពស់បំផុតលំឱនកាយ វាចាចិត្ត ក្រាបបង្គំអភិវន្ទសម្ដែងថ្វាយព្រះសព្ទសាធុការពរជ័យ សិរីវឌ្ឍនា មហាប្រសើរ និងសូមថ្វាយព្រះពរ ព្រះករុណាជាអម្ចាស់ជីវិតលើត្បូង សូមព្រះអង្គទ្រង់មានព្រះរាជកាយពលមាំមួនខ្លាំងក្លា ព្រះរាជបញ្ញាញាណភ្លឺថ្លា និងព្រះទីឃាយុយឺនយូរជាងរយព្រះវស្សា ដើម្បីទ្រង់គង់ប្រថាប់គ្រងព្រះបរមសិរីរាជសម្បត្តិ ជាម្លប់ដ៏ត្រជាក់ត្រជំសុខដុមរមនាចម្រុងចម្រើន ថ្កុំថ្កើងរុងរឿង ជាភិយ្យោភាពតរៀងទៅ